DAB Radio zu Lëtzebuerg

Question

Gudde Moien,

Wéini kënnt den DAB oder DAB+ Radio zu Lëtzebuerg? 

Vläischt kéint dir heizou nofroen ob et e konkrete Kalenner gëtt wéini op d'mannst den Haaptsender zu Lëtzebuerg, RTL, oder och nach den 100,7 iwwert DAB ampfaangen kann ginn.

Merci,

Answer 1

Villmols Merci fir Är Fro.

Mir hunn se mat an d'Medienkommissioun geholl, well hei grad en entspriechede Projet behandelt gëtt.

De Gesetzesprojet fir den Ausbau vum DAB+ misst nach dëst Joer kënne gestëmmt ginn an der Chamber. Esoubal d'Gesetz duerch ass, wäert d'Regierung eng Ausschreiwung maache kënnen. Eréischt da wäert mat der Entreprise, déi gewielt gëtt, e konkrete Kalenner opgesat ginn. Mir wäerten um Sujet dru bleiwen, an dee Moment nach emol no engem Zäitplang froen.